72 urterekin eman zuen salto handia zinemagintzara Elena Urizek (1944, Iruñea) eta 71 urterekin Itziar Aizpuruk (1939, Getaria). Hala ere, biek izan zuten aitzin gustu bat aurretik. Urizek 40 urterekin, Tasio pelikulan parte hartu zuelako “kasualitatez”, eta Aizpuruk, 60 urterekin, Goenkale-ko Doloresen gorputzetik. Ohikoa ez den urrats hori partekatzen dutelako juntatu ditugu bi aktoreak. Juntatu, kontu-kontari hasi daitezela. Euskal zinemagintzaren mundua txikia zelakoan, kazetariak ez zuen irudikatu elkar ezagutuko ez zutenik. Baina ez da trabagarria izan. Lehen segundutik arina eta bizia izan da hitzen jarioa. Bai, gustura egon gara Urizen baratzeko hurritzaren itzalpetan.