Aurpegiak goiztiri hutsak bailiran
Erdiko mahaian erreparatu dute
Edo leihotik harantzagoko itxurak egin
Altxa eta ateaz harantzago desagertu
Esperantza eskuetan. Borondatea. Patua
Pentsatzea ere zorigaitzari berari deitzea da!
Aldizkariek bizitzaz dihardute
Eguzkiak errainu dagi baldosa gainean
Dena zuria bada ere
Odolaren gorria neurtzen da hemen
Gure heriotza aholkatuaz kontrako
Egite baten ondorioz suerta daiteke
Zenbaki eta taulek agin dezakete noiz
Birusak erabaki nola baina
Gertatuko da, gertatuko denez
Nahiz eta hemengo denok ez jakinarena egin
Hiltzea denoi dagokigun neurrian
Inori ez dagokiola uste baitaiteke
Bizitza itxarongela bat da baina bizitza berarena
Musika: OLOR
Letra: Juanjo Olasagarreren “Joxerra Agirrek HIESaren frogak egitera joan zenean (a)” (Larkinen erara) olerkia, nik neuk moldatua. Jatorrizko bertsioa “Puskak Biziz” liburuan aurkitu daiteke (Susa argitaletxea, 2000).
Bateria: Ibon Guerra.