Azaroaren 16an atxilotu zuen Ertzaintzak Morisoli, Bizkaian, Gaizka Aztorkizagarekin batera. Amnistiaren Aldeko eta Errepresioaren Aurkako Mugimenduko kideak dira biak. Bi egun beranduago epaileak espetxeratu egin zituen, “terrorismoari gorazarre” egitea, kalteak sortzea eta “erakunde armatu batekin kolaboratzea” leporatuta. Zaballan espetxeratu zuten Morisoli hasieran, ondoren Madrilgo Soto del Real espetxera urrundu zuten, eta azkenik Madrilgo Alcalá Mecoko espetxera lekualdatu.